Polıtsııa Aqtaýda tóbelesken jasóspirimderdi anyqtady
NUR-SULTAN. QazAqparat - Jýyrda qatarlastaryn soqqyǵa jyqqan jasóspirimderdiń buzaqylyq áreketteri túsirilgen vıdeo áleýmettik jelige taraǵan bolatyn. Polıtsııa beınetúsirilimdi tyńǵylyqty zertteı kele, buzaqylyq áreketke qatysýshylardyń kim ekenin anyqtady.
Bul týraly QR Іshki ister mınıstrliginiń baspasóz hatshysy Nurdildá Oraz málim etti, dep habarlaıdy QazAqparat.
«Áleýmettik jelige taraǵan jasóspirimdi óziniń qurdastary uryp jatqany týraly beınematerıal tekserildi. Osy iske qatystylar anyqtaldy. Olar - Aqtaý qalasyndaǵy kolledjderdiń biriniń birinshi kýrs stýdentteri. Bul jáıt osy jyldyń 20 sáýirinde boldy. Jábirlenýshi polıtsııaǵa shaǵymdanbaǵan. Qazirgi ýaqytta kinálilerdi jaýapqa tartý máseleleri qarastyrylýda»,-delingen mınıstrlik taratqan málimette.
