Polıtsııa 6 jasar balasyn urǵan anany qamaýǵa aldy
ShYMKENT. QazAqparat - OQO-da 6 jasar balasyn urǵan ana qamaýǵa alyndy, dep habarlaıdy QazAqparat tilshisi.
Saıram aýdandyq polıtsııa bólimine birinshi synyptyń oqýshysy aýdandyq aýrýhanaǵa aýyr halde Qarabulaq aýylyndaǵy aýrýhana jetkizilgen týraly habarlama túsedi.
Tekserý barysynda polıtseıler balany óz anasy túnde uryp-soqqanyn anyqtaǵan. Qazirgi tańda dárigerler balanyń jaǵdaıyn aýyr dep baǵalaýda. Es-túzsiz jatqan jetkinshek jansaqtaý bólimine jatqyzylǵan.
Al, 36 jastaǵy kelinshek qamaýǵa alynyp, onyń ústinen Qylmystyq kodekstiń 103-baby «Densaýlyqqa qasaqana aýyr zııan keltirý» boıynsha is qozǵaldy. Birneshe sot-medıtsınalyq saraptamalar taǵaıyndalyp, tergeý amaldary júrgizilýde.
Óńirdiń tártip saqshylary sezikti áıeldiń ne sebepti asqan qatygezdikpen balasyn sabaǵanyn anyqtap jatyr.
