Polıtsııa 40 jyl buryn urlanǵan Volkswagen Beetle kóliginiń ıesin izdestirýde
ASTANA. QazAqparat - 2014 jyly qańtarda Detroıt polıtsııasy Fınlıandııaǵa jol tartqaly jatqan konteınerlerdiń birinen 1974 jyly izdeýge jarııalanǵan Volkswagen Beetle avtokóligin taýyp aldy.
Jergilikti kedendik qyzmettiń ishteri sezgen bolsa kerek, olar birneshe ret boıalǵan atalmysh kólikti qaıta-qaıta muqııat tekseriske alǵan kórinedi. Keıin ol Tennesı shtatynyń turǵynyna tıesili ekendigi anyqtalǵanda kúdik beker bolmaǵany belgili boldy. Onyń ıesi Noksvıll stýdenti bolyp júrgen kezinde urlatyp alǵan.
Al ony satyp alǵan ekinshi adam kólik buryn urlanǵandyǵyn, tipti onyń túsi aq emes, buryn qyzyl bolǵanyn múldem bilmegen bolyp shyqty. 1965 jyly shyǵarylǵan aq tústi Volkswagen-di ol tarıhı jádiger retinde satyp alyp, ony restavratsııalaý úshin Fınlıandııaǵa jiberýdi oılaǵan.
HuffingtonPost basylymynyń jazýynsha, endi polıtseıler jańa qıyndyqqa tap bolyp otyr. Kólikti bastapqy ıesine qaıtarý múmkin bolmaýda. Noksvıll qalasynyń polıtsııasy Djozef Makdonald esimdi azamatty izdestirý sharalary esh nátıje bermegenin aıtýda. Ol óziniń mekenjaıyn aýystyrǵan kórinedi, al tastap ketken telefon nómiri istemeı tur.
