Polıtsııa 18 jastaǵy qostanaılyq qyzdyń ólimine kúdiktiniń fotorobotyn jarııalady
QOSTANAI. QazAqparat - Qostanaı oblysynyń polıtseıleri 18 jastaǵy Darıa Mahartovanyń ólimine kúdiktini izdeıdi. Múmkin qylmyskerdiń fotoroboty jasalyp taratyldy, dep habarlaıdy QazAqparat tilshisi Qostanaı oblysynyń ІDD baspasóz qyzmetine silteme jasap.
«Kúdikti shamamen 20-30 jas aralyǵyndaǵy azamat. Ústinde aq fýtbolka, torly qysqa shalbar bar. Qylmysker bolýy múmkin adamnyń fotoroboty jasaldy. Qandaı da bir aqparatqa ıe bolǵan jaǵdaıda 8 (7142) 52-60-21, 52-61-05, 52-61-12 faks: 52-61-04, nemese 102 nómirlerine habarlasqan jón», delingen ІІD-niń habarlamasynda.
Eske salaıyq, 18 jastaǵy Darıa Mahartova 20 shilde kúni saǵat 22.00 shamasynda úıinen shyǵyp, qaıtyp oralmaǵan. Іz-túzsiz joǵalyp ketken Zatobol aýyly turǵynynyń denesi Qostanaı qalasynyń irgesindegi orman alqabynan tabyldy. QR QK-niń 99-baby (adam óltirý) boıynsha sotqa deıingi tergep-tekserý amaldary bastaldy. Jedel izdestirý sharalary júrgizilip jatyr.
Keıinirek polıtsııa Qostanaı turǵyndarynan kómek surap, ótinish bildirgen.
