Polıtseılerge shabýyl jasaǵan er adam ajal qushty
ASTANA. QazAqparat - Qytaılyq Loıan qalasynda polıtsııa narazylyq bildirgenderge qatysty qarý qoldanýǵa májbúr boldy. Sınhýa agenttigi habarlaǵandaı, bir adam qaza tapty, taǵy bireýi jaraqattandy.
Oqıǵa jergilikti qurylys oryndarynyń birinde bolǵan. 10 adamnan quralǵan top nysan aýmaǵyna qurylysqa arnalǵan arnaıy tehnıkany kirgizýge kedergi keltirgen.
Janjaldy retteýge polıtseıler kelgen. Kelissózder kezinde narazylyq bildirgenderdiń ekeýi polıtseılerge tura umtylady. Tártip saqshylary eskertý retinde eki ret aspanǵa oq atqan. Alaıda olardyń qarýlaryn tartyp almaqqa árekettengender muny elemegen de. Saldarynan bir adam mert bolyp, taǵy bireýi jaraqattandy.
Loıan qalasynyń prokýratýrasy men qoǵamdyq qaýipsizdik basqarmasy tergeý amaldaryn bastady.
