Polıtseılerge kóp alǵys hattar keldi – Nurdildá Oraz
NUR-SULTAN. QazAqparat – Іshki ister mınıstri Erlan Turǵymbaevqa azamattardan túrli suraqtarmen qatar polıtseılerge alǵys aıtqan hattar da kelip túsedi. Bul týraly Іshki ister mınıstrliginiń baspasóz qyzmeti ótkizgen onlaın brıfıngte aıtyldy, dep habarlaıdy QazAqparat tilshisi.
«Meniń balam oınap júrip esigi de, qorshaýy da, qulyptary da, eskertý belgileri de joq ǵımaratqa kirip, tokqa soǵylyp qalǵan edi. Qylmystyq isti Aqjaıyq aýdandyq polıtsııa bólimi tergeýshileri tergedi. Olar isti sotqa berdi jáne kináliler jazalandy» deıdi hat avtory», - deıdi QR ІІM resmı ókili Nurdildá Oraz.
Onyń aıtýynsha, taǵy bir hatta Oral qalasynyń turǵyny poıyzdaǵy urlyqtyń aldyn alǵan Shymkent stantsııasyndaǵy jelilik polıtsııa bóliminiń qyzmetkerlerine alǵys aıtylǵan
«Meniń umyt qaldyrǵan planshetimdi qoldy bolýdan saqtaǵan ınspektor Asqar Munashovtyń jumysyn erekshe atap ótkim keledi. Osy polıtseıdiń óz qyzmetine degen kózqarasy arqyly quqyq qorǵaý organdarynda qarapaıym adamdardyń máselelerin sheshýge daıyn kásibı, adal, janashyr adamdar jumys isteıtinine kóz jetkizdim», - delingen hatta.
