Polıtseılerge eldi mekenderde qozǵalmaly radardy paıdalanýǵa tyıym salynbaq
«Polıtsııanyń jeke qyzmet túrleri boıynsha jemqorlyqty azaıtý úshin birqatar sharalar qabyldanady. Bul rette patrýldik polıtsııa qyzmetkerleriniń jumysyna mańyz berilmek. Atap aıtqanda, bul josparda vıdeotirkeýishterdi basqarý jáne paıdalaný protsesin avtomattandyrý, vıdeotirkeýishtiń erejelerin buzǵany úshin jaýapkershilikti kúsheıtý, qozǵalmaly radarlardy eldimekenderde paıdalanýǵa tyıym salý sharalary bar. Qyzmettik kólikti jeke maqsatta paıdalanýdyń aldyn alý úshin tekserý turaqty negizde júrgiziledi», - dedi elordada ishki ister organdaryndaǵy jemqorlyqpen kúrestiń úshjaqty josparyn oqyǵan adam quqyǵy men halyqaralyq quqyq salasyndaǵy táýelsiz sarapshy Nazgúl Erǵalıeva.
Sarapshy óz sózinde joǵaryda atalǵan sharttar qoǵamdastyq jáne vedomstvolar ázirlegen ishki ister organdaryndaǵy jemqorlyqpen kúrestiń úshjaqty josparyna enetinin atap ótti.
Aıta ketsek, búgin elordada ІІM men Memlekettik qyzmet isteri jáne sybaılas jemqorlyqqa qarsy is-qımyl agenttigi basshylyǵy azamattyq qoǵam jáne BAQ ókilderimen kezdesý ótkizdi. Kezdesýde ishki ister mınıstrliginiń Jol kartasy negizinde qoǵamdastyq jáne vedomstvolar ázirlegen ishki ister organdaryndaǵy jemqorlyqpen kúrestiń úshjaqty jospary tanystyryldy.
«Reforma baǵdarlamasyn ázirleýde belsendi túrde atsalysyp júrgen azamattarǵa erekshe alǵysymdy aıtqym keledi. ІІM Sizdermen árdaıym birlese eńbek etýge daıyn. ІІM tek synnyń astynda qalatyn organ emes, senimge ıe bolǵanyn qalaımyz», - dedi ishki ister mınıstri Erlan Turǵymbaev.