Polıtseılerdiń jyldamdyq ólsheıtin quraldary tekserilip turady – mınıstrlik
ASTANA. QazAqparat - Qazaqstanda beınekameralar jyl saıyn 1 mıllıonnan astam jol erejesin buzý faktilerin anyqtaıdy. Bul týraly «QazAqparat» agenttiginiń joldaǵan saýalyna oraı QR Іshki ister mınıstrliginiń jaýabynda aıtyldy, dep habarlaıdy QazAqparat.
«Jyl saıyn elimizde beınekameralardyń kómegimen shamamen 1 mıllıonnan astam jolda júrý erejesin buzý faktileri anyqtalady. Qazirgi ýaqytta respýblıka joldarynda jol júrisi qaǵıdalaryn buzýshylardy tirkeıtin 2 myńǵa jýyq ártúrli kameralar ornatylǵan», - dep atap ótilgen mınıstrlik málimetinde.
Atalǵan kameralar jolda júrý erejesin buzýshylardy, onyń ishinde toqtaý belgisi syzyqtaryn kesip ótý, baǵdarshamnyń tyıym salatyn belgisine júrip ketý, qarsy jolaqqa shyǵý jáne jyldamdyq rejimin asyrý sııaqty túrlerin anyqtaıdy.
Budan bólek, mınıstrlik jyldamdyqty ólsheıtin qol quraldary mindetti túrde tekseristen ótetinin habarlady.
«Jol-patrýldik polıtsııa qyzmetkerleri kólik quraldarynyń jyldamdyǵyn ólsheý úshin qoldanatyn qurylǵylar mindetti túrde metrologııalyq tekseristen ótkizilip, ishki ister organdarynda ınventarlyq tirkeýge alynady», - deıdi vedomstvo ókilderi.
