Polıtseılerdiń jalaqysy kóterilgenimen, ol ınflıatsııa áserinen sezilmeı otyr – ІІM
ASTANA. QazAqparat – Táýelsizdik jyldarynda qyzmettik mindetterin atqarý kezinde 845 qyzmetker qaza taýyp, 4593-i jaraqat aldy. Bul másele «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda kóterilgen, dep habarlaıdy QazAqparat tilshisi.
«Polıtsııa qyzmetkerleriniń kúndelikti qyzmeti ómir men densaýlyqqa qaýip tóndiretin jaǵdaılarmen baılanysty. Táýelsizdik jyldarynda qyzmettik mindetterin atqarý kezinde 845 qyzmetker qaza taýyp, 4593-i jaraqat aldy. 5 jyl ishinde olarǵa 1 887 zorlyq-zombylyq, polıtsııa qyzmetkerleriniń zańdy talaptaryna baǵynbaý jáne azamattar tarapynan agressııa kórinisteri tirkeldi. Sondyqtan ІІO qyzmetkerleriniń ınstıtýtsıonaldyq jáne kásibı mártebesiniń tıisti deńgeıde bolýy, onyń ishinde polıtsııa qyzmetkerleriniń áleýmettik-quqyqtyq qorǵalý máselesi óte mańyzdy» dep jazylǵan qujatta.
Qujatta kórsetilgendeı, qyzmetkerlerdiń jalaqysy óskenimen, ol ınflıatsııa áserinen sezilmeı otyr.
«Osynyń saldarynan ІІM-niń bilikti kadrlardy tartý úshin eńbek naryǵynda básekege túsýge múmkindigi joq. Eldegi kadr tapshylyǵy shamamen 9% qurasa, keıbir óńirlerde odan da joǵary. Sonymen qatar sońǵy jyldary qyzmettiń birinshi jylynda jumystan bosatylǵan jas mamandardyń sany artqan», - delingen 4 jyldyq damý josparynda.
