Polıtseılerdiń ýaqytsha tirkeýdi tún ishinde tekserýge quqy joq
ASTANA. QazAqparat - Polıtseıler saǵat 23:00-den keıin azamattardyń úıine kelip, onyń tirkelgenin ne tirkelmegenin teksere almaıdy. Bul týraly búgin Astana ІІD kóshi-qon polıtsııasy basqarmasynyń podpolkovnıgi Qanat Dosmuxanbetov málim etti, dep xabarlaıdy QazAqparat.
«Іshki ister organdary qyzmetkerleriniń zańdy talaptaryn túngi 11-ge deıin Qazaqstan azamaty oryndaýy tıis, esik ashyp, jaýap berip jáne taǵy sol sııaqty. Polıtsııa qyzmetkeri óziniń qyzmettik kýáligin kórsetip, ózin tanystyrýy shart. Qyzmettik formada bolýy tıis. Basqa jaǵdaılarda, árıne, ony úıge kirgizbeýge quqylysyz», dedi ol búgin dóńgelek ústel barysynda.
Aıta keteıik, tanymal qazaqstandyq telejúrgizýshi Sandýǵash Sultan óziniń Facebook paraqshasynda tún ishinde oǵan eki er kisi tirkeýdiń bar-joǵyn tekserýge kelgenin xabarlady.
«Saǵat 2:24-te eki kisi kelip, esigimdi qaqty. Bireýi formada, ekinshisi azamattyq kıimde. Tirkeý týraly aqparatty tekserip jatyrmyz, ashyńyz! Sonda konserjter ne úshin kerek!? Páter ıeleri týraly aıta alar edi ǵoı», - dep shamdandy ol.
