Polıtseılerdiń qyzmettik bólmesine vıdeobaqylaý ornatylady - QR ІІM
Polisia.kz portalynyń málimetinshe, jıynǵa departamenttiń bólim basshylary qatysyp, aýdandyq polıtsııa bólimderiniń basshylary selektor rejıminde qosylǵan.
A.Zapparov QR Prezıdenti Qasym-Jomart Toqaevtyń Joldaýynyń polıtsııa jumysyna, onyń ishinde derbes Tótenshe jaǵdaılar mınıstrligin qurý, ýchaskelik polıtsııa ınspektorlarynyń mártebesin arttyrý, tsıfrlandyrýdy damytý, jemqorlyqpen kúres syndy negizgi baǵyttary jaıynda sóz qozǵady.
«Prezıdent tapsyrmasyna sáıkes, Tótenshe jaǵdaılar mınıstrligi qaıta quryldy. Burynyraq onyń qyzmeti Іshki ister mınıstrliginiń quramynda bolǵany belgili. Joldaýǵa sáıkes, ýchaskelik polıtsııa ınspektorlarynyń mártebesi arttyrylady. Bul - óte mańyzdy. Árbir ýchaskelik polıtseı óz aýdanynda abyroıly, tanymal adam bolýy tıis. Biz ýchaskelik polıtsııa ınspektorlarynyń materıaldyq-tehnıkalyq bazasyn jaqsartamyz, olardyń jalaqysyna qosymsha ústemaqy qarastyrylatyn bolady. Ýchaskelik polıtsııa ınspektorynyń mártebesi, ókilettigi zańnamalyq negizde arttyrylady», - dedi ol.
Onyń aıtýynsha, ýchaskelik polıtsııa ınspektorlaryn jumys isteýi úshin kólikpen jáne planshetpen qamtý arqyly materıaldyq-tehnıkalyq bazasyn jaqsartý josparlanyp otyr. Buǵan qosa, búkil elimizdegi penıtentsıarlyq mekemelerde, polıtseılerdiń qyzmettik bólmelerinde tutastaı beınebaqylaý engizý sharalary qabyldanyp jatyr.
