Polıtseılerdiń qolynan kóz jumǵan Djordj Floıd koronavırýspen aýyrǵan
VAShINGTON. QazAqparat – Mınneapolıste polıtseıler ustaý kezinde qaza tapqan Djordj Floıd koronavırýspen aýyrǵan. Muny afro-amerıkalyq otbasy júrgizgen táýelsiz sot-medıtsınalyq saraptamanyń nátıjeleri kórsetti, dep habarlaıdy QazAqparat Life shot Telegram-kanalyna silteme jasap.
Máıitti ashyp qaraý sımptomsyz aýrýy onyń ólimine sebep bola almaǵanyn kórsetti. Dárigerdiń qorytyndysynda Djordj moıyn men arqasyna túsken qysymnan tunshyǵyp qaıtys bolǵany aıtylǵan.
AQSh qalalarynda Mınneapolıstegi polıtsııa qolynan kóz jumǵan afro-amerıkalyq Djordj Floıdtyń óliminen keıin narazylyqtar men tolqýlar bastaldy. Internette polıtseıler Floıdqa qolyna kisen salyp, úsheýi oǵan jabylyp, Djordjyń moınyna tizesin qoıǵany túsken vıdeolar paıda boldy. Vıdeoda Floıd birneshe ret dem ala almaı, tunshyǵyp bara jatqanyn birneshe ret aıtqan. Ol reanımatsııada qaıtys boldy. Tártipsizdik bastalǵannan keıin tórt polıtsııa qyzmetkeri jumystan bosatyldy, al olardyń bireýine kisi óltirdi degen aıyp taǵyldy.
