Polıtseılerdiń qoǵamdyq kómekshilerine 10 mln teńge kómek berildi
ALMATY. QazAqparat – Almaty polıtsııasynyń qoǵamdyq kómekshilerine 10 mıllıon teńgeden astam kótermeaqy berildi, dep habarlaıdy QazAqparat tilshisi.
«Jalpy, Almaty qalasynda polıtsııaǵa kómek kórsetetin segiz qoǵamdyq birlestik bar, barlyǵy 502 adam. Sonymen qatar, segiz aımaqtyq kómek kórsetý shtaby, bir zańdylyq pen tártipti qorǵaýǵa kómek beretin Almaty qalalyq qaýymdastyǵy, úsh stýdenttik quqyq qorǵaý jasaqtary atsalysyp jatyr. Sondaı-aq, qaýipsizdik qyzmeti sýbektileri esebinen qoǵamdyq tártipti qamtamasyz etýge kún saıyn 10 konserj jáne 56 qoǵamdyq kómekshi qatysady. Polıtsııanyń qoǵamdyq kómekshileri ýchaskelik polıtsııa ınspektorlarymen birge saıabaqtar men alańdardyń kóshelerin patrýldeý jumystaryna únemi qatysady»,– dedi Almaty qalalyq Polıtsııa departamenti bastyǵynyń birinshi orynbasary Nurlan Almasbekov.
Onyń aıtýynsha, jyl basynan beri qoǵamdyq kómekshilerdiń qatysýymen 55 qylmys ashyldy jáne 5 728 ákimshilik quqyq buzýshylyq anyqtaldy.
Qoǵamdyq tártipti qorǵaýdy qamtamasyz etýge belsendi qatysqany úshin qala ákimdigine 10 mıllıon 169 myń teńge kóleminde kótermeaqy berý úshin 323 qoǵamdyq polıtsııa kómekshisine usynym jiberildi.
