Polıtseılerdiń qansha paıyzynda vıdeotirkeýishter bar
ASTANA. QazAqparat - Qazaqstanda jol qaýipsizdigin qamtamasyz etýge ishki ister organdary qyzmetkerleriniń 30 paıyzy jumyldyrylǵan. Bul týraly Senattyń jalpy otyrysynda QR Іshki ister mınıstriniń orynbasary Erlan Turǵymbaev málim etti, dep habarlaıdy QazAqparat tilshisi.
«Búginde jeke quramnyń 70 paıyzy qoǵamdyq tártipti qamtamasyz etýde. Al qalǵan 30 paıyzy jol qaýipsizdigi jumystaryna jumyldyryldy. Osy oraıda, joldaǵy kólik qozǵalysyn baqylaý basymdyqty túrde avtopatrýlmen júzege asyrylady», - dedi Іshki ister mınıstriniń orynbasary.
Mınıstrlik ókili, sondaı-aq polıtseılerdi vıdeotirkeýishtermen qamtamasyz etý jumystaryna toqtaldy.
«Jol-patrýldik polıtsııa qyzmetkerlerine vıdeotirkeýishsiz jolǵa shyǵýǵa tyıym salynǵan. Búginde atalǵan qurylǵylar jeke quramnyń 97 paıyzynda bar. Vıdeotirkeýishter jolda bolyp jatqan barlyq jaǵdaıdy tirkep turady. Sonymen qatar, qurylǵy júrgizýshi tarapynan oryn alǵan ereje buzý faktilerinen bólek, patrýldik polıtseıdiń de zańsyz áreketterin qadaǵalaýǵa múmkindik beredi», - dep túıdi Erlan Turǵymbaev.
Budan buryn habarlanǵandaı, Іshki ister mınıstriniń orynbasary polıtsııa avtokólikterdi qandaı jaǵdaılarda toqtata alatyndyǵyn túsindirdi.
