Polıtseılerdi boqtaǵan pavlodarlyq eki kúnge qamaldy
PAVLODAR. QazAqparat - Pavlodar qalasynyń mamandandyrylǵan ákimshilik soty usaq buzaqylyq jasaǵany úshin ákimshilik jaýapkershilikke tartylǵan qala turǵynyna qatysty ákimshilik isti qarady, dep habarlaıdy QazAqparat pavlodarnews.kz silteme jasap.
Іs-materıaldaryna sáıkes, quqyq buzýshy L. masań kúıde Ýsolka kóshesinde, jaǵalaýda, polıtsııa qyzmetkerine bylapyt sóılegen.
Osy áreketi arqyly ÁQBtK 434-babynyń 1-bóligimen kózdelgen quqyq buzýshylyq jasady dep oǵan aıyp taǵyldy.
«Sot qaýlysymen
qala turǵyny ákimshilik quqyq buzýshylyq jasaǵany úshin kináli dep tanyldy jáne 2
táýlikke qamaqqa alý túrindegi ákimshilik jaýaptylyqqa tartyldy. Qaýly zańdy
kúshine endi», - delingen sottyń baspasóz qyzmeti taratqan habarlamada.
