Polıtseılerden aqsha jınaǵan basshylar ustaldy

ASTANA. QazAqparat - Sybaılas jemqorlyqqa qarsy is-qımyl ulttyq bıýrosy polıtsııa qyzmetkerleri arasynda zańsyz aqsha jınaý faktisin anyqtady, dep xabarlaıdy QazAqparat tilshisi QR Memlekettik qyzmet isteri jáne sybaılas jemqorlyqqa qarsy is-qımyl agenttigine silteme jasap.

Qoǵammen baılanys departamentiniń dırektory Arman Berdalınniń aıtýynsha, Atyraý qalalyq polıtsııa basqarmasynyń jergilikti polıtsııa qyzmeti bastyǵynyń orynbasary jáne bólimshe bastyǵy para alǵany úshin jaýapqa tartylyp otyr. Bastyqtyń orynbasary polıtsııa podpolkovnıgi sheshinde bolsa, bólimshe bastyǵy - aǵa leıtenant.

«Laýazymdy tulǵalar 2018 jyly jeltoqsanda sóz baılasa otyryp, qorqytyp alý jolymen qaramaǵyndaǵylarǵa buryn eseptelgen syıaqy tólemderinen jáne qyzmette olardyń jalpy qamqorlyǵy úshin 2 mıllıon teńge somasynda para alǵany úshin kúdik keltirilip otyr. Sotpen kúdiktige qatysty kúzetpen ustaý túrindegi bultartpaý sharasy sanktsııalandy. Tergeý jalǵasýda», - dep atap kórsetti A.Berdalın.

Aıta keteıik, búgin agenttik Mańǵystaý oblysynyń dene shynyqtyrý jáne sport basqarmasy basshysynyń qamaýǵa alynǵanyn jarııalady. Ol memleket múddesine 1 mıllıard teńgeden astam somaǵa zalal keltirgen.

Budan bólek, aǵaıyndy Rysqalıevterdiń sybaılasy qamaýǵa alyndy.

Qyzylordada oblystyq basqarma basshysynyń orynbasary ekstremızmge qarsy sharalarǵa bólingen bıýdjet qarjysyn jymqyrǵan.

Al Stepnogorsk qalasynda qoǵamdyq densaýlyqty saqtaý basqarmasynyń basshysy paramen ustaldy.