Polıtseıler jubaıyna pyshaq suqqan qostanaılyqty ustady

QOSTANAI. QazAqparat — Qostanaıda polıtseıler úıiniń aýlasynda áıelin pyshaqtaǵan er adamdy ustady, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

«16 maýsymda 102 pýltine Qostanaı qalasyndaǵy úılerdiń biriniń aýlasynda 47 jastaǵy er adam mas kúıde urys kezinde jubaıyna birneshe ret pyshaq suqqan. Oqıǵa ornyna kelgen polıtsııa qyzmetkerleri er adamnyń kóligimen qashyp ketkenin anyqtady. Kóliktiń markasy men nómirin polıtseılerge kýágerler habarlaǵan», - dedi vedomstvodan.

Birden polıtsııa jasaǵy jiberilip, oblys ortalyǵynyń aýmaǵynda «Ustaý» josparyn engizý týraly sheshim qabyldandy.

«Jedel basqarý ortalyǵynyń ınspektor Toıgúl Janatova vıdeobaqylaý kameralaryn qaraý barysynda qaladaǵy kóshelerdiń birinde «Djılı» kóligin baıqap qalǵan. Polıtseılerdiń arqasynda kúdikti ustaldy. Ózimen birge alyp júrgen qan izderi bar pyshaq tabyldy», - dedi polıtsııadan.

41 jastaǵy jaraqat alǵan jubaıy qalalyq aýrýhanaǵa jatqyzyldy.

Atalǵan fakti boıynsha QR QK 106-baby 1-bóligine sáıkes sotqa deıingi tergeý jumystary bastaldy. Sáıkes saraptama taǵaıyndalyp, onyń nátıjesi boıynsha protsessýaldyq sheshim qabyldanady.

Janna Musabaeva