Polıtseıler jolda qalǵan 800-ge tarta kólikti bir tizbekpen alyp júrdi
ASTANA. QazAqparat - Aýa raıynyń qolaısyzdyǵynan trassada qalyp qoıǵan 800-ge jýyq avtokólikti polıtseıler Astanaǵa jáne Pavlodar oblysymen shekaraǵa deıin alyp júrdi, dep habarlaıdy QazAqparat.
POLISIA.KZ Telegram-aronasynyń málimetinshe, qarly boran saldarynan oryn alatyn jol-kólik oqıǵalaryn boldyrmaý maqsatynda aǵymdaǵy jyldyń 12 qańtarynda Astana – Ereımentaý – Shiderti respýblıkalyq trassasyn jabý týraly sheshim qabyldandy. Polıtsııa narıadtary jáne basqa da quzyretti organdar kúsheıtilgen qaýipsizdik sharalaryn qabyldady: blok beketter qoıyldy, jaqyn mańdaǵy eldi mekenderde jylytý pýnktteri belgilendi, qosymsha ekıpajdar engizildi. Joldyń jabylýy men qarly burqasynǵa baılanysty kólikterdiń jınalýy paıda boldy.
«13 qańtarda polıtsııa departamentiniń basshylyǵy patrýldik polıtsııa rotasynyń ekıpajdarynyń kólikter tizbesin bir tizbekpen alyp júrýin qamtamasyz etý týraly sheshim qabyldady.
Kúni boıy polıtsııa ekıpajdary elordadan Pavlodar oblysynyń shekarasyna deıin 300-ge jýyq kólik quralyn alyp júrdi, taǵy 500 avtokólikti Pavlodar oblysynan Astanaǵa deıin keri baǵytta alyp júrdi», - dep jazdy aqparat kózi.
Vıdeodan alynǵan kadr/ t.me/POLICE_of_KZ
