Polıtseıler jańa tártipte attestatsııadan ótedi
NUR-SULTAN. QazAqparat - Osy jyldyń qazan aıynda polıtsııanyń jeke quramy kezekten tys attestatsııadan ótedi, dep habarlaıdy QazAqparat tilshisi.
«Prezıdenttiń tapsyrmasyna sáıkes, osy jyldyń qazan aıynda polıtsııanyń jeke quramy kezekten tys attestatsııalanady. Tártip saqshylary zańnamany bilý qabileti boıynsha kompıýterlik testileýden jáne logıkalyq synynan ótedi. Polıtsııa qyzmetkerleri fızıkalyq daıarlyǵy jáne oq atý qabileti synalady. Attestattaýdyń barynsha ashyqtyǵy men shynaıylyǵy úshin vıdeotúsirilim jasalady», - dedi Erlan Turǵymbaev halyqqa esep berý jıynynda.
Polıtsııa qyzmetkerleriniń testileýin arnaıy komıssııa baqylaıdy. Ol komıssııanyń quramyna jeke qaýipsizdik qyzmetkerleri, ardagerler uıymdarynyń ókilderi, Qoǵamdyq keńester men polıtsııa departamentiniń janyndaǵy keńestik organdardyń músheleri enedi.
