Polıtseıler jalaqysyna qosylatyn 25 paıyzdyq ústemeni qashan alatyny belgili boldy
ASTANA. QazAqparat - Elimizdiń Ulttyq ekonomıka mınıstrligi «Memleket bıýdjet esebinen qamtamasyz etiletin barlyq memlekettik organdar úshin qyzmetkerlerge jalaqy tóleýdiń biryńǵaı júıesin bekitý týraly» Úkimet qaýlysynyń jobasyn ázirledi. Bul jaıynda QazAqparat tilshisine QR Іshki ister mınıstrligi Memlekettik til jáne aqparat departamentiniń dırektory Almas Sadýbaev málim etti.
«Memleket basshysy aǵymdaǵy jyldyń maýsymynda ishki ister organdary qyzmetkerleriniń jalaqysyn 2017 jyldyń 1 shildesinen bastap 25 paıyzǵa kóterýdi tapsyrdy. Osyǵan oraı Ulttyq ekonomıka mınıstrligi «Memleket bıýdjet esebinen qamtamasyz etiletin barlyq memleke tik organdar úshin qyzmetkerlerge jalaqy tóleýdiń biryńǵaı júıesin bekitý týraly» Úkimet qaýlysynyń jobasyn ázirledi. Qazirgi ýaqytta qaýly jobasy múddeli memlekettik organdarmen kelisilip, Premer-Mınıstr Keńsesine qol qoıý úshin engizildi», - dedi ol.
Degenmen, Almas Sadýbaevtyń atap ótýinshe, laýazymdyq jalaqyny kóterý qosymsha bıýdjet qarajatyn qajet etedi.
«Osyǵan baılanysty Іshki ister mınıstrligi Qarjy mınıstrligine 2017 jyldyń respýblıkalyq bıýdjetin naqtylaý barysynda Respýblıkalyq bıýdjettik komıssııanyń qaraýy úshin bıýdjettik ótinim engizdi. Aǵymdaǵy jyldyń 1 shildesinen bastap qaıta eseptelingen laýazymdyq jalqynyń kóterilgen kólemin tóleý joǵarydaǵy qaýly qabyldanyp, atalǵan maqsattarǵa qosymsha bıýdjettik qarajattyń bólinýin qarastyratyn «2017-2019 jyldarǵa arnalǵan respýblıkalyq bıýdjet týraly» Zańǵa sáıesinshe ózgertýler men tolyqtyrýlar engizilgennen keıin júrgiziledi. Bizdiń joramalymyzsha, bul taıaý aralyqta oryn alady», - dedi departament basshysy.
