Polıtseıler zeınetkerdiń syrǵasyn sheship alǵan qylmyskerdi izin sýytpaı ustady
PAVLODAR. QazAqparat - 87 jastaǵy zeınetker tańǵy saǵat 05-00-der kezinde kóshege serýenge shyǵyp, qylmyskerdiń qurbany boldy, dep habarlaıdy QazAqparat tilshisi.
Pavlodar oblystyq Polıtsııa departamentiniń VKontakte paraqshasynan habarlanǵandaı, kúdiktini ustaý sáti vıdeoǵa túsip qalǵan.
«87 jastaǵy zeınetker saǵat 05-00-der shamasynda kóshege serýendeýge shyqqan. Biraz júrgen soń, basqa zeınetker áıeldermen kezdesip júretin Nazarbaev dańǵyly boıyndaǵy 6/1 úıdiń aýlasyna barady. Alaıda kezdesý ornynda eshkim bolmaǵan. Oryndyqta qara tústi kıim kıgen belgisiz er adam otyrǵan. Az ýaqyt ótken soń qart áıeldi álgi er adam bas salyp, altyn syrǵasyn sheship almaqshy bolady. Er adam bir syrǵany julyp úlgerip qasha jóneledi», - delingen habarlamada.
Oqıǵa ornyna jaqyn mańdaǵy avtopatrýl jóneltilip, beınebaqylaý kameralarynyń kómegimen er adam izin sýytpaı polıtseılerdiń qolyna tústi. Altyn syrǵa tárkilenip alyndy.
Kúdikti Pavlodar qalasynyń ýaqytsha oqshaýlaǵyshyna qamaldy. Atalmysh fakt boıynsha QR QK 188-baby negizinde sotqa deıingi tergeý júrgizilýde.
