Polıtseıler turǵyndardyń aryz-shaǵymdaryn Arys kóshelerindegi «keńsede» qabyldap jatyr
«Tártip saqshylary jergilikti turǵyndarǵa maldary joǵalyp, ólgen jaǵdaıda qaıda barý kerektigin túsindirip, keńes beredi jáne páter, turǵyn úıden bolǵan urlyqtar, avtokólikterdi aıdap ketý jaıttary boıynsha derekterin tirkep, aryzdaryn qabyldaýda. Azamattarǵa yńǵaıly bolý úshin mobıldi HQO uıymdastyryldy. Aýdan ortalyǵyndaǵy 17 sektordyń árqaısysynda Túrkistan oblysy Polıtsııa departamentiniń qyzmetkerlerinen qurylǵan eki jedel-tergeý toby jumys jasaýda», - delingen málimette.
Jarylystan keıingi táýlikterde polıtseıler júrgizgen reıdtik sharalar barysynda 4 qylmys anyqtaldy. Onyń ishindegi ekeýi mal urlyǵyna qatysty. Sondaı-aq «Nıva» avtokóligin urlaý maqsatynda aıdap áketý jáne turmystyq tehnıka dúkenindegi urlyq derekteri tirkeldi. Búgingi tańda, barlyq materıaldar boıynsha sotqa deıingi tergep-tekserý sharalary júrgizilýde. «Aıta ketsek, 24-28 maýsym kúnderi aralyǵynda tártip saqshylary 155 ıesiz qoı men 22 iri qara maldy taýyp, polıtsııa bóliminiń janynan arnaıy uıymdastyrylǵan orynǵa aparǵan. Arys qalasyna jergilikti turǵyndardyń kelýine oraı, barlyq maldar zańdy ıelerine qaıtaryldy», - dedi Polıtsııa departamentinen.
