Polıtseıler sporttyq bástiń «boljamdaryn» saýdalap kelgen alaıaqty ustady
Jas jigit Instagram jelisinde paraqsha ashyp, sport saıystaryna bás tigýge boljam jasaıtynyn habarlaǵan. Kópshilikti qyzyqtyrý úshin sátti shyqqan býkmekerlik bástiń qujattary men utys aqshalarynyń sýrettin júktegen.
Daýysynan tanyp, ustalyp qalmas úshin aqsha alǵan adamdarǵa túrli syltaý aıtyp, WhatsApp messendjerinde tek jazýmen ǵana baılanysqa shyǵyp kelgen.
Jazysý barysynda jalǵan utystarmen qyzyqtyryp, 100 paıyz tabys tabatynyna sendirip, QIWI-ámııanyna aqysy úshin aqsha aýdartýǵa kóndirgen. Aqsha aýdarylǵannan keıin alaıaq jábirlenýshiniń nómirin buǵattap tastap otyrǵan.
Qazirgi ýaqytta ustalǵan kúdiktige qatysty QR QK-niń 190-baby 2-bóligi (alaıaqtyq) boıynsha sotqa deıingi tergeý amaldary júrgizilip jatyr.
Nur-Sultan qalasynyń polıtsııa departamenti ınternet tutynýshylaryna alaıaqtardyń arbaýyna túsip qalmas úshin saq bolýǵa shaqyrady. Eger osyndaı aıladan zardap shekken jaǵdaıda Beıbitshilik kóshesindegi 19 ǵımaratqa nemese 71-60-10, 71-63-35 jáne 102 telefondaryna qońyraý shalý qajet.
