Polıtseıler sottalýshy qolynan qaza tapqan Olga Vasılevskaıany eske aldy

KÓKShETAÝ. QazAqparat – QR Іshki ister mınıstrligi Qylmystyq-atqarý júıesi komıteti kolonııa tutqynynyń qolynan qaza tapqan áriptesin eske aldy, dep habarlaıdy QazAqparat.

«2008 jyly jeltoqsannyń 5-inen 6-syna qaraǵan túni aqmolalyq QAJ departamentinde Olga Vasılevskaıany óltirip ketkeni habarlandy. Pavlodar zań kolledjin úzdik bitirgen Olga qalǵan kýrsanttarmen birge Aqmola oblysyndaǵy QAJ basqarmasyna kelgen edi. Dıplom aldynda tájirıbeden ótken qonystandyrý-kolonııasynda jumysqa ornalasty. Ádilet leıtenanty Olga Valerevna Vasılevskaıanyń eńbek joly osylaı bastaldy», - dep jazdy QAJ komıteti.

Olga sottalǵandar arasyndaǵy tárbıe jumysy bólimine jasaq bastyǵy qyzmetine taǵaıyndalǵan. Onyń óte yntaly, jaýapty qyzmetinen, jasaqta árdaıym tártip bolǵan.

«Olga Valerevna jasaǵynyń qaramaǵynda 50 sottalǵan adam boldy. Olardyń árbiriniń suraqtaryna jaýap berý – Olganyń mindeti. Sony bilgen sottalýshylar jeke máselelerin syltaý etip, jas qyzǵa jıi júginetin. Onyń arasynda Nıkolaı da boldy, shartty túrde merziminen buryn bostandyqqa shyǵý jóninde jasaq bastyǵyna kóp keletin. Jasaq bastyǵy da ár kelgen saıyn shydamdylyqpen túsindiretin. Munyń sońy qaıǵyly aıaqtalaryn eshkim bilgen joq. Óıtkeni barlyq sottalýshylar Olga Valerevnaǵa jıi barǵysy kep turatyn», - dep eske alady Aqmola oblysy QAJ departamentindegi áriptesteri.

Nıkolaı shartty túrde merziminen buryn bosaı almady, sot QR Qylmystyq kodeksiniń 120-babymen eki ret sottalǵan retsıdıvısti abaqtyda qaldyrdy. Al Olga Valerevna eńbek demalysyna shyǵyp ketkendikten, oǵan jolyǵyp sebepterin suraı almaǵan.

«2008 jyldyń 5 jeltoqsanynda Olga Valerevna jyl sońyndaǵy esepterdi tapsyryp, úıine asyqqan. Kolonııa aýmaǵyndaǵy óndiristik aýmaqtan ótip bara jatqanda Nıkolaı kezigip, óz sharýasyn suraǵan. Qysqasha jaýap berip, asyǵys ekenin aıtqanda qylmysker ony býyndyryp, eski qazandyq bólmesine súıregen. Birneshe saǵattan keıin Olganyń ata-anasy izdeý salyp, dabyl qaqqanda kolonııadan máıit tabyldy. Atyshýly is tez ashyldy, sot zorlyqshyǵa ómir boıyna qamaý jazasyn berdi», - dep jazdy QAJ komıteti.

Jyl saıyn ETs-166/24 mekemesiniń qyzmetkerleri Olganyń qurmetine voleıboldan týrnır ótkizedi jáne osy kúni Olganyń anasy Elena Konstantınovnaǵa barady.

Ádilet leıtenanty Olga Vasılevskaıaǵa «Erligi úshin» medali qaıtys bolǵannan keıin berildi.