Polıtseıler SQO turǵyndaryn mýzeı túnine shaqyrdy
PETROPAVL. QazAqparat - Soltústik Qazaqstan oblystyq ishki ister departamentiniń mýzeıi «Mýzeıdegi tún» sharasyn ótkizip jatyr, dep habarlaıdy QazAqparat tilshisi.
Polıtsııa vedomstvosy baspasóz qyzmetiniń málimdeýinshe, aýmaǵy 300 sharshy metrdi quraıtyn mýzeıdiń tórt zalynda 4 myńnan astam eksponat bar.
Bul jerden ár jyldardaǵy keńes mılıtsıonerleriniń, alǵashqy polıtseılerdiń jáne qazirgi qazaqstandyq polıtseılerdiń kıim úlgilerin, 1918 jylǵy petropavldyq mılıtsıonerdiń birinshi jeńdegi beligisin tamashalaýǵa bolady. Departament mýzeıinde 1940-1950 jyldary tártip saqshylary mingen IJ-49 mototsıkli de bar. Atyshýly qylmystardy ashýǵa arnalǵan stendterde sýretter, buıryq kóshirmeleri, qylmys quraldary jáne jábirlenýshiniń jeke zattary kórsetilgen.
Osy jyly SQO ІІD mýzeıine 29 jyl tolyp otyr. Bul ýaqyt aralyǵynda mýzeıge 40 myńnan astam adam kelip, 2 myńǵa jýyq ekskýrsııalar uıymdastyrylǵan.
Sabına Birjanqyzy
