Polıtseıler Sergeı Mavrodıdi qolǵa túsirdi
ASTANA. 30 naýryz. QazAqparat - Quqyq qorǵaý organdarynyń qyzmetkerleri MMM atty qarjylyq pıramıdany qurýshy Sergeı Mavrodıdi qolǵa túsirdi, dep habarlaıdy Ýtro. rý.
Ol jaqyn ýaqytta salyqtardy tólemeý isi boıynsha sot otyrysyna jetkiziledi. Bul týraly onyń qorǵaýshylarynyń biri Oleg Tselevıch habarlady.
«Mendegi aqparat boıynsha, ony shynymen de búgin polıtsııa ustady», - dedi jýrnalısterge qorǵaýshy. Onyń málimetterinshe, Mavrodı juma kúni Máskeýdegi Hamovnıcheskıı aýdanynyń № 363 bitistirý sotyna jetkiziledi.
«Bul Sergeı Panteleevıchke qatysty ákimshilik isterdiń biri boıynsha búgingi kúnge resimdelgen alyp kelýdiń aıasynda bolady», - dep atap ótti qorǵaýshy.
