Polıtseıler saýda úıine bomba qoıylǵan dep habarlaǵan temirtaýlyqty izdep jatyr
QARAǴANDY. QazAqparat – Temirtaý qalasyndaǵy saýda ortalyqtardyń birinen 400-den astam adam qaýipsiz jerge kóshirildi. Polıtsııaǵa belgisiz bireý jarylǵysh qurylǵy ornatylǵany týraly aıtqan, dep habarlaıdy QazAqparat tilshisi.
7 naýryz kúni saǵat 13.10-da Temirtaý qalasy polıtsııa basqarmasynyń kezekshi bólimine «Odejda» SÚ 62 jastaǵy qyzmetkerinen onyń uıaly telefonyna belgisiz azamat qońyraý shalyp, saýda úıinde jarylǵysh zat qoıylǵany týraly habarlama kelip tústi.
«Temirtaý qalalyq polıtsııa basqarmasynyń jedel kezekshisi oqıǵa ornyna barlyq shuǵyl qyzmetterdi jiberdi. Ǵımarattan 400-den astam adam qaýipsiz jerge kóshirildi, onyń ishinde 70 adam tehnıkalyq qyzmetker. Polıtsııa qyzmetkerleri ǵımaratty tekserip, jarylǵysh zat tabylǵan joq. Saǵat 14.50 - de «Toqtatý» komandasy berildi», - dep habarlady Qaraǵandy oblysy PD baspasóz qyzmeti.
Atalǵan fakti boıynsha QR QK 273-baby «Terrorızm aktisi týraly kórineý jalǵan habarlaý» boıynsha sotqa deıingi tergeý bastaldy.
Qazirgi ýaqytta polıtseıler qońyraý shalǵan adamdy anyqtaý boıynsha jedel is-sharalar júrgizýde.
