Polıtseıler poıyzda mas kúıde júrgen eki shetel azamatyn ustady
NUR-SULTAN. QazAqparat – Kólik polıtseıleri mas kúıde jolaýshylap bara jatqan Ázerbaıjan men Ózbekstan azamattaryn poıyzdan túsirip aldy, dep habarlaıdy QazAqparat.
Kóliktegi polıtsııa departamenti baspasóz qyzmetiniń málimetine qaraǵanda, Aqtóbe stantsııasyndaǵy Jelilik polıtsııa bóliminiń qyzmetkerleri «Oral-Almaty» baǵytyndaǵy jolaýshylar poıyzynan qoǵamdyq tártipti buzǵan 42 jáne 36 jastaǵy eki er adamdy túsirip alǵan. Tekserý kezinde kólik polıtseıleri quqyq buzýshylardyń Ázerbaıjan men Ózbekstan respýblıkalarynyń azamattary ekenin anyqtaǵan.
«Er azamattar túngi ýaqytta mas kúıde dóreki minez kórsetip, qoǵamdyq tártipti buzyp, janyndaǵylarǵa adamnyń qadir-qasıetin qorlaıtyn sózder aıtqan. Osylaısha basqa jolaýshylardyń tynyshtyǵyn buzǵan», - deıdi Kóliktegi polıtsııa departamenti bastyǵynyń orynbasary Qalıjan Qoblandın.
Onyń aıtýynsha, u stalǵandarǵa qatysty QR Ákimshilik quqyq buzýshylyq baptary boıynsha tórt ákimshilik hattama toltyryldy.
«Aqtóbe qalasynyń Mamandandyrylǵan ákimshilik sotynyń qaýlysymen shetel azamattary kináli dep tanylyp, 3 jáne 2 táýlik merzimge ákimshilik qamaýǵa alyndy», - dedi polıtsııa polkovnıgi.
