Polıtseıler Petropavl turǵyndary úshin naýryz kóje men baýyrsaq ázirledi

PETROPAVL. QazAqparat - Soltústikqazaqstandyq polıtseıler Petropavldaǵy shaǵyn aýdandardyń biriniń turǵyndary úshin merekelik sharalar daıyndady, dep xabarlaıdy QazAqparat tilshisi.

Polıtsııa departamenti baspasóz qyzmetiniń aqparaty boıynsha, Jumysshylar kentinde uıymdastyrýshylar ulttyq stıldegi kıiz úı tikken. Polıtsııa departamenti basqarmasynyń qyzmetkerleri naýryz kóje, baýyrsaq, palaý pisirgen.

Vedomstvonyń mádenı ortalyǵy merekelik baǵdarlama daıyndaǵan. Polıtsııa departamenti áıelder keńesiniń ókilderi saxnada ulttyq salt-dástúrdi pash etti.

«Sporttyq jarystar, ulttyq oıyndar, balalarǵa arnalǵan oıyn-saýyq merekeni qyzdyra tústi. Barlyq jeńimpazdarǵa baǵaly syılyqtar men gramotalar tabystaldy. Polıtseıler Jumysshylar kentindegi kómekke muqtaj jandar úshin jeke syılyqtar daıyndady. Osy shaǵyn aýdanda turatyn soǵys ardagerleri men tyl eńbekkerlerine azyq-túlik taratty», - dedi baspasóz qyzmetinen.

Sondaı-aq, otbasy úlgisindegi balalar aýyldarynyń tárbıelenýshileri de nazardan tys qalǵan joq. Olar úshin sporttyq baıqaýlar, syılyqtar, merekelik dastarxan uıymdastyryldy.

Avtor: Olesıa Jýkoven