Polıtseıler pavlodarlyqtardy aıyqtyrǵyshtan keıin úılerine jetkizýdi josparlaýda
PAVLODAR. QazAqparat - Pavlodar oblysynyń ákimimen kezdesý barysynda jergilikti polıtsııa qyzmeti aıyqtyrǵysh máselesin talqylady, dep habarlaıdy «QazAqparat» HAA tilshisi oblystyq ákimdiktiń baspasóz qyzmetine silteme jasap.
Pavlodarlyq medıtsınalyq aıyqtyrǵyshta durys jumys jasaýǵa múmkindik joq, dep habarlady polıtseıler Bolat Baqaýovqa.
«Ortalyqta barlyǵy 24 oryn ǵana, - dep atap ótiledi habarlamada. - Osyǵan oraı 60 orynǵa deıin keńeıtý kerek nemese azamattardy aıyqtyrǵyshtan keıin úılerine jetkizý qajet».
Polıtseıler aıyqtyrǵysh emdeý sharalaryn oblystyq narkologııalyq dıspanserdiń ǵımaratynda ótkizýdi de usyndy. ıÝrıı Kolesnıkovtyń aıtýynsha, óńirlik densaýlyq saqtaý basqarmasynda bul usynys qoldaý tapqan jáne sáıkes joba daıyndalýda.
Jınalys barysynda oblys ákimi jergilikti polıtsııa qyzmetinen qoǵamdyq tártipke basa nazar aýdarýdy talap etti.
