Polıtseıler páterden shyǵyp ketken pıtondy taba almaı jatyr
ASTANA. QazAqparat - Reseıdegi Ekaterınbor qalasynyń polıtseıleri toǵyz qabatty turǵyn úıden jorǵalap ketken 2 pıtonnyń birin izdestirýde.
Sverdlov oblysy boıynsha ІІM MM baspasóz qyzmetiniń basshysy Valerıı Gorelyh habarlaǵandaı, ol jaıbasar ıesiniń sylbyrlyǵyn paıdalanyp qashqan.
"Jigit páterinde jylandar ustaǵan. Onda 3 jylan: pıton men onyń eki balasy bolǵan, kishileri qashqan", - dedi Gorelyh.
Onyń sózine qaraǵanda, pıtondardyń birin baspaldaqta bir qyz ańǵaryp qalǵan. "Bul týraly habar máskeý ýaqytymen saǵat 06:42-ta kelip tústi. Jylandy kórgen qyz kómekke shaqyrǵan, - dedi Gorelyh. - Oqıǵa ornyna jedel áreket etý toby shyqty. Polıtseıler jylannyń bar ekenine kóz jetkizip, "Zoospas" mamandaryn shaqyrdy, biraq jylannyń ıesin tapqannan keıin olardyń qyzmetinen bas tartty". Ol qaladaǵy sport klýbtarynyń birinde jattyqtyrýshy bolyp jumys isteıtin qyzdyń kórshisi bolyp shyqty.
Búginde polıtseıler ekinshi pıtondy izdestirýde.
