Polıtseıler ótirik shaǵym jasaǵan qyzdy ustady
NUR-SULTAN. QazAqparat – Elorda polıtseıleri uıaly telefonymdy urlady dep jalǵan shaǵym túsirgen 23 jastaǵy qyzdy ustady, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.
Kúdikti qyz joǵalǵan uıaly telefonynyń ornyn toltyrý maqsatynda polıtseılerge uıaly telefonynyń urlanǵany týraly jalǵan málimet bergen. Qyzdyń aıtýynsha, telefondy kúıeýi ekeýin bir jerge aparyp tastaǵan belgisiz adam urlaǵan.
Polıtsııa qyzmetkerleri tekserý sharalary kezinde kúdiktiniń belgisiz adamdy kinálamaq bolyp, polıtseılerdi shatastyryp, jalǵan málimet bergenin anyqtady.
Osy fakt boıynsha QR QK 419-baby ( Qylmys jasalǵany týraly kórineý jalǵan sóz jetkizý) boıynsha sotqa deıingi tergeý júrip jatyr.
Ustalǵan áıel kinásin moıyndady, onyń astana aýmaǵyndaǵy osy sekildi basqa da qylmystarǵa qatysy bar-joǵy anyqtalyp jatyr.
