Polıtseıler óskemendiktiń joǵaltyp alǵan 13 mln teńgesin qaıtaryp berdi
ÓSKEMEN. QazAqparat - Polıtseıler oblys ortalyǵynyń turǵynyna 13 mln teńgesin tez arada qaıtaryp berdi, dep habarlaıdy QazAqparat tilshisi.
Óskemendiktiń qyzmettik kóliginen 13 mıllıon teńgesin urlap ketken. 27 jastaǵy jigit Úlbi aýdandyq polıtsııa bólimine kómek surap barǵan. Er adam shujyq ónimderin satýmen aınalysady. Odan túsken 13 mln teńgesin qyzmettik kóliginiń salonynan urlap ketken.
«Jedel izdeý-tergeý is-sharalarynyń barysynda polıtsııa qyzmetkerleri kúdiktini - 21 jastaǵy Óskemen týmasyn anyqtaǵan. Ol zardap shegýshiniń tanysy bolyp shyqty. Kúdiktiniń barýy múmkin jerleriniń barlyǵy tekserildi. Der kezinde jasalǵan is-áreketterdiń arqasynda qylmys izi sýymaı áshkerelendi. Aqshanyń negizgi somasy - 12 mln 870 myń teńge zardap shegýshige qaıtaryldy. Kúdikti ýaqytsha ustaý oqshaýlaǵyshyna qamaldy. Oǵan qatysty sotqa deıingi tergeý jumystary bastaldy. Jedel ýákilder tergeý barysynda er adamnyń buryn kólik jýatyn orynda jumys istep júrip, kóliktiń salonynan 180 myń teńge urlaǵanyn anyqtady», - dedi polıtsııadan.
