Polıtseıler Óskemen turǵynynan qalamǵa uqsas atys qarýyn tárkiledi
ÓSKEMEN. QazAqparat – Óskemen qalasynyń turǵynynan qalam tektes atys qarýy tárkilendi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetinshe, «Quqyqtyq tártip» jedel aldyn alý sharasy barysynda krımınaldyq polıtsııa basqarmasynyń tártip saqshylary erekshe atys qarýyn tárkiledi. 34 jastaǵy kúdiktiniń páterinde tintý júrgizý kezinde polıtseıler qalam tektes qarýdy tapqan.
«Sot-medıtsınalyq saraptamanyń qorytyndysyna sáıkes, tárkilengen qarý oq atýǵa jaramdy bolyp shyqty», - delingen vedomstvo málimetinde.
Zańsyz saqtalǵan qarý qoımadan tabyldy. Budan bólek, polıtsııa qyzmetkerleri gaz tapanshasy men eki pyshaqty tárkilegen.
Atalǵan fakti boıynsha QR Qylmystyq kodeksiniń 287-baby 3-bóligi boıynsha tergeý amaldary júrgizilýde.
