Polıtseıler oqýshylardy tasymaldaıtyn júrgizýshilerdi tártipke shaqyrdy - Túrkistan oblysy
TÚRKІSTAN. QazAqparat – Túrkistan oblysynda PD Jergilikti polıtsııa qyzmetiniń tártip saqshylary jol-kólik oqıǵalarynyń aldyn alý boıynsha qarqyndy jumystar júrgizýde. Olar aýdan-qalalardyń oqý oryndarynda jáne oǵan irgeles aýmaqtarda kóshe-jol jelileriniń jáne tehnıkalyq quraldarynyń jaǵdaıyn tekserdi, dep habarlaıdy QazAqparat tilshisi.
Tólebı aýdany, Lengir qalasynda ornalasqan №7 mamandandyrylǵan lıtseıinde bilim berý uıymdarynyń jáne avtokólik kásiporyndarynyń qatysýymen jıyn ótkizildi. Keńeske ustazdar men ata-analar, oqýshylardy tasymaldaıtyn kólikterdiń júrgizýshileri qatysty. Basqosýda balalar toptaryn uıymdastyrylǵan túrde, keminde eki esigi bar ári tehnıkalyq jaǵdaıy ýákiletti organmen bekitilgen erejege saı tasymaldaý kerektigi eskertildi. Jolaýshylardy jáne bagajdy tasymaldaý erejelerinde belgilengen talaptarǵa jaýap beretin avtobýstarmen júzege asyratyny, avtobýstar sary tústi jarqyldaýyq maıakpen jabdyqtalatyndyǵy jiti túsindirildi. Sondaı-aq, bul avtobýstardyń aldy jáne artqy bólikterine «Balalar tasymaly» degen tanym belgisi ornatylý qajet ekendigi aıtyldy. Sonymen qatar, búldirshinder men oqýshylardy jasy keminde 25-ten asatyn, tıisti sanattaǵy júrgizýshi kýáligi jáne keminde 5 jyl eńbek ótili bar júrgizýshilerdiń tasymaldaýyna ruqsat etiletindigi aıtyldy. Aldaǵy ýaqytta da osy baǵyttaǵy jumystar baqylaýǵa alynyp, balalardy tasymaldaý qaýipsizdigin qamtamasyz etý máseleleri kún tártibinen túspeıtini jetkizildi.
