Polıtseıler men volonterler zeınetkerlerdiń aýlasyn qardan tazartty

QARAǴANDY. QazAqparat - Qaraǵandy oblysy Shahtıns qalalyq polıtsııa bóliminiń qyzmetkerleri volonterlermen birge jazǵyzbasty zeınetkerlerge kómektesti, dep habarlaıdy QazAqparat tilshisi.

Bıylǵy jaýǵan qalyń qar qart adamdar, ásirese týǵan-týystary joq qarııalar úshin aıtarlyqtaı qıyndyq týyndatty. Olar dúkenge barýǵa ne kórshilerden kómek suraý úshin úılerinen shyǵa almaı qalǵan. Mundaı zeınetkerlerge Shahtınsk qalasynyń polıtsııa bóliminiń qyzmetkerleri kómekke keldi.

Tártip saqshylary Shahtınsk qalasynyń jumyspen qamtý jáne áleýmettik baǵdarlamalar bólimimen baılanysyp, jeke sektorda turatyn jáne kómekke muqtaj zeınetkerler tizimin alǵan. Olardyń arasynda qalanyń toǵyz qart turǵyny boldy.

«22 aqpanda Shahtınsk qalasynyń PB jeke quramy eriktilermen birge osy zeınetkerlerdiń aýlalaryn qardan tazalap, retke keltirdi. Qarttar qamqorlyq kórsetip, olarǵa kóńil bólgen polıtseılerge alǵystaryn aıtty», - dep habarlady Qaraǵandy oblysy PD baspasóz qyzmetinen.

Polıtseılerdiń aıtýynsha, bul aktsııa áli de jalǵasyn tabady. Al qajet bolǵan jaǵdaıda, qaıta kómekke kelýge daıyn ekenderin jetkizdi.