Polıtseıler men qutqarýshylar taıgada áıeldi aıýdan qorǵap, onyń bosanýyna járdemdesti (VIDEO)
ASTANA. QazAqparat - ıAkýtııada ormanda bosanǵan áıel men dárigerlerdi qutqarýshylar men polıtseıler aıýdan qorǵap turdy, dep habarlady RT respýblıkanyń Densaýlyq saqtaý mınıstrligine silteme jasap.
«Senbi kúni jergilikti ýaqyt 23:38-de jedel medıtsınalyq járdem pýltine Mırnyı qalasyna jaqyn jerde taıgada áıel bosanǵaly jatqany jaıly aqparat tústi. Jedel járdem, TJM kólikteri men kómekke asyqty. Alaıda bataqta ol jerge jetý qıynǵa tústi», - dep jazdy RIA Novostı
Áıel týystarymen balyq aýlaýǵa shyqqany belgili boldy. Kólde onyń tolǵaǵy bastalyp, kúıeýi ápkesimen ony aýrýhanaǵa aparmaqshy bolady, alaıda olardyń kóligi batpaqqa batyp qalyp, jete almaı qalady. Áıelin ápkesimen ormanda qaldyrǵan er adam uıaly baılanysty ustap, dáriger shaqyrýǵa bel býady.
Jedel jetken dárigerler, TJM qutqarýshylary, polıtseıler áıelge kólikpen jetý múmkin bolmaǵandyqtan, birneshe saǵat boıy jol júrýlerine týra keldi. Qarýly quqyq qorǵaý organdary men qutqarýshylar áıel men dárigerlerdi aıýdan qutqaryp turdy.
«Jol tańdamaıtyn kólikterdiń ózi biriniń artynan biri batpaqqa batyp, áıeldi balamen tas jolǵa qolmen kóterip shyǵarýǵa týra keldi. Anasy men balasy Mırnyı ortalyq aýdandyq aýrýhanasyna jetkizildi», - dep habarlady densaýlyq saqtaý mınıstrligi.
Qazir ana men balanyń jaǵdaıy qanaǵattanarlyq dep baǵalanýda.
