Polıtseıler Mańǵystaýda 2 balany órtten qutqardy

MAŃǴYSTAÝ OBLYSY. QazAqparat - Kólik polıtseıleri Mańǵystaý oblysynda eki balany órtten qutqardy, dep habarlaıdy QazAqparat tilshisi.

QR ІІM Kóliktegi polıtsııa departamenti baspasóz qyzmetinen túsken málimetke qaraǵanda, oqıǵa 11 qańtar kúni Mańǵystaý aýylynda boldy.

Stantsııadan alys emes jerde eki qabatty úıdi jalyn oraǵan. Órt ekinshi qabattaǵy páterden bastalǵan. Qara tútin dálizdi basyp ketkendikten, adamdar, sonyń ishinde balalar ózdiginen shyǵa almaǵan.

Órtti kórgen kóliktegi polıtsııa bóliminiń alty qyzmetkeri shuǵyl jetip, adamdardy shyǵaryp, órtti sóndire bastaǵan. Osy kezde olar páterlerdiń birinen eresekterdiń qaraýynsyz qalǵan úsh balany baıqaǵan. Polıtsııa leıtenanty N.Qaıypbergenov balanyń kishisin kóterip alyp, syrtqa shyǵardy.

Órt sóndirýshiler kelgenge deıin tártip saqshylary A.Omarbaev, N.Qýanov, N.Qaıypbergenov, R.Hamıt, A.Kóktaýbaev, B.Orynhan barlyq turǵyndy evakýatsııalap úlgerdi.

Sondaı-aq órttiń basqa páterlerge jaıylýyna jol bermedi.

Kóliktegi polıtsııa departamenti atalǵan qyzmetkerlerdi adamdardy qutqarý kezindegi erligi úshin yntalandyratyn bolady.