Polıtseıler qyzmettik baspanany zeınetke shyqqanǵa deıin jekeshelendirýi múmkin
ASTANA. QazAqparat - Qazaqstanda ishki ister organdary qyzmetkerlerine qyzmettik baspanany zeınetke shyqqanǵa deıin jekeshelendirýge ruqsat etilmek. Bul týraly Májilistiń jalpy otyrysynda ishki ister organdarynyń qyzmetin jetildirý máselelerine qatysty zań jobasyn talqylaý barysynda QR Іshki ister mınıstriniń orynbasary Erlan Turǵymbaev málim etti, dep habarlaıdy QazAqparat.
«Búginde polıtsııa qyzmetkerleriniń eńbek ótili men jasy jasardy. Buryndary ishki ister organdaryna 30 jasynda keletin, keıin 20 jyl qyzmetinen keıin 50-ge tolady. 50 jasynda zeınetke shyqqannan soń ǵana ol qyzmettik baspanany jekeshelenirýge quqyly boldy. Búginde ishki ister organdaryna adamdar 22 jasynda keledi jáne 20 jyldan keıin 42-ge tolady. Endi páterdi jekeshelendirý úshin ol zeınetke shyǵýǵa májbúr, sondaı-aq osydan keıin ǵana qyzmettik baspanada turýǵa quqyly bolady. Degenmen de 42 jastaǵy qyzmetker áli de jumys isteı alady. Podpolkovnık shenindegi osy qyzmetkerler ishki ister organdaryna qajet ekenin anyq qoı», - dedi Turǵymbaev.
Osy oraıda ol qoldanystaǵy zańnama polıtsııa qyzmetkerin zeınetkerlikke shyǵýǵa ıtermeleıdi.
«Endi biz zańnamaǵa ózgeris engizdik. Sáıkesinshe, 20 jyl eńbek ótilinen keıin polıtseı qyzmetinde qala otyryp, atalǵan qyzmettik páterin jekeshelendire alady», - dedi ol.
Jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
