Polıtseıler kópirden sekirmek bolǵan áıeldi qutqardy
NUR-SULTAN. QazAqparat - Kólik polıtseıleri temir joldar arqyly ótetin jaıaý júrginshiler kópirinde 41 jasar áıeldi ózine-ózi qol jumsaýdan qutqardy, dep habarlaıdy QazAqparat.
«Aǵymdaǵy jyldyń 25 naýryzynda saǵat 20:30 shamasynda temir jol kóligi nysandaryn patrýldeý kezinde Qostanaı stantsııasyndaǵy jelilik polıtsııa bóliminiń qyzmetkerleri temir joldar arqyly ótetin jaıaý júrginshiler kópiriniń taıanyshynan ustap, kópirden sekirip ketýge tyrysqan áıeldi baıqap qalǵan. Kólik polıtseıleri ony qutqarýǵa áreket jasady. Tártip saqshylary onyń qolynan ustaı alyp, kópirdiń qaýipsiz jaǵyna qaraı tartyp shyǵardy», - delingen Kóliktegi polıtsııa departamenti baspasóz qyzmetiniń habarlamasynda.
Atap aıtqanda, polıtsııa bóliminde atalǵan áıelge moraldyq-psıhologııalyq kómek kórsetý sharalary júrgizildi.
