Polıtseıler kólikterdi qashyqtan toqtatýdyń amalyn tapty
ASTANA. QazAqparat - Eýroodaqta polıtseılerge qashyqtan kólikti toqtatýǵa múmkindik beretin arnaıy qurylǵyny qurastyrý jumystary bastalyp ketti.
Ol benzınniń berilýin kúrt toqtatady jáne motordy sóndiredi, dep habarlady brıtanııalyq BAQ. Bul qurylǵy 2020 jyly daıyn bolady dep kútilýde.
Baqylaýdyń jańa júıesi quqyqqorǵaý organdarynyń joldaǵy jumystaryn edáýir jeńildetpek.
Búginde eýropalyq aýyr júk kólikterine jyldamdyqty saǵatyna 90 km-den asyrýǵa jol bermeıtin arnaıy qurylǵylar ornatylyp jatqandyǵyn atap ótken jón. Onymen qosa bul jabdyqtar temir tulpardy ár 8 saǵat saıyn toqtatady. Maqsat - júrgizýshige biraz tynyǵyp alýy kerektigin eske salý. Erejeni buzǵandar qatal jazalanyp, kólik júrgizý quqyǵynan aıyrylady.
