Polıtseıler katafalkte jasyrylǵan jarty tonna qara ýyldyryqty tárkiledi
ASTANA. QazAqparat - Habarovsk ólkesinde polıtseıler jarty tonna qara ýyldyryqty tárkiledi. Bul týraly TASS Reseıdiń ІІM resmı ókili Elena Alekseevaǵa silteme jasap habarlady.
Onyń sózine qaraǵanda, Habarovsk - Amýrdaǵy Komsomolsk tas jolynyń 34-shi shaqyrymynda Habarov ólkesi boıynsha jol-patrýldik polıtsııa ınspektorlary jyldamdyqty asyrǵan avtomobıldi toqtatqan.
Tekseris kórsetkendeı, Nissan Civilian arnaıy avtobýsy Habarovskidegi jerleý qyzmetin kórsetetin fırmalardyń birine tıesili bolǵan.
Sómkelerdiń astynan ınspektorlar ishinde bekire balyqtarynyń ýyldyryǵy bar plastıkalyq konteınerlerdi tapty. Avtobýsta adamnyń máıiti bolmady. Al tabytty ashqanda ishinen arnaıy konteınerlerge salynǵan ýyldyryq shyqty", - dep atap ótti ol.
Tárkilengen ýyldyryqtyń jalpy salmaǵy 500 kg qurady.
Jerleý qyzmetin kórsetetin agenttiktiń eki qyzmetkeri ustaldy.
