Polıtseıler qaraqshylardyń izin sýytpaı qolǵa túsirdi - Qyzylorda
QYZYLORDA. QazAqparat - Jýyrda Qyzylorda qalasynyń turǵyny azamatsha G.B. «102» telefonyna habarlasyp, Qyzylorda qalasy ortalyǵyndaǵy dámhana ǵımaratynyń ishinde ornalasqan býkmekerlik keńsede dıller bolyp jumys jasap turǵanynda betperde kıgen belgisiz eki azamat kirip, pyshaqpen qorqytyp, kassadan 60 myń teńge kóleminde aqsha jáne uıaly telefonyn alyp ketkendigin jetkizgen.
Jábirlenýshiniń aıtýynsha, qaraqshylar dıllerge «teris qarap otyr» dep buıyrǵan da, oqıǵa ornynan izderin sýytqan.
Habarlama túsisimen barlyq polıtsııa narıadtaryna tapsyrma berilip, izdestirý sharalary júrgizildi. Jedel basqarý ortalyǵynyń beınebaqylaýshy-ınspektory polıtsııa leıtenanty R.Dáýletov sol mańda ornalasqan beınebaqylaý kamerasy arqyly sezikti eki azamatty baıqaǵan. Olardy tekserý úshin jol-patrýldik polıtsııa narıadtaryna nusqaý berildi. Tekserý barysynda eki azamattyń qaraqshylyq qylmysqa qatysy barlyǵy anyqtaldy. Qyzylorda qalasynyń turǵyndary 1992 j.t.A. K. men 1994 j.t. B. Ó. jasaǵan qylmystaryn tolyq moıyndaǵan. Qazirgi tańda kúdikti eki azamat ýaqytsha ustaý abaqtysyna toǵytylyp, olardyń ústinen QR QK-niń 179 baby 2 bóligimen qylmystyq is qozǵaldy, dep habarlady OІІD baspasóz qyzmetinen.
Qyzmette qyraǵylyq tanytyp, qylmystyń izin sýytpaı ashýǵa úles qosqany úshin Jedel basqarý ortalyǵynyń beınebaqylaýshy-ınspektory polıtsııa leıtenanty Rýslan Dáýletov Qyzylorda OІІD-niń «Qurmet gramotasymen» marapattaldy.
