Polıtseıler KamAZ-dy trotýarmen aıdaǵan júrgizýshini ustady
ASTANA. QazAqparat - Elordadaǵy aıaldamalardyń buzylýyna KamAZ júrgizýshisi kináli. Bul týraly Facebook jelisindegi «Astana, hochý pohvalıt/pojalovatsıa» paraqshasynda aıtyldy, dep habarlaıdy QazAqparat.
Facebook jelisindegi «Astana, hochý pohvalıt/pojalovatsıa» paraqshasynda jol-kólik oqıǵasy týraly vıdeo jarııalanǵan. Onda vıdeo avtory «Qar tazalaǵysh KamAZ jol erejesin buza otyryp aıaldamany qıratyp ketken» dep jazba qaldyrǵan.
Vıdeo avtorynyń habarlaýyna qaraǵanda, oqıǵa Qorǵaljyń tas jolyndaǵy «Taım» janar-jaǵarmaı quıý beketine jaqyn mańda tirkelgen. Aıaldama pavılonyn KamAZ-dyń qaǵyp ketkeni túsirilmegen. Alaıda vıdeoda qar tazalaǵysh tehnıkanyń jaıaý júrginshiler (trotýar) jolymen kele jatqany anyq kórinedi. Astanalyq tártip saqshylary júrgizýshiniń kim bolǵanyn anyqtady.
«Atalǵan jaǵdaı boıynsha Astana qalalyq ІІD ákimshilik polıtsııa basqarmasymen jaıaý júrginshiler jolymen kólik júrgizgen júrgizýshiniń kim ekeni anyqtaldy. Oǵan qatysty QR ÁQBtK 596-baby 1-bóligi boıynsha ákimshilik is qozǵaldy», - dep habarlaıdy qalalyq ІІD baspasóz qyzmetinen.
