Polıtseıler formasynyń ózgerýi reformanyń basy ǵana - Dáýren Abaev
ASTANA. QazAqparat - QR Aqparat jáne kommýnıkatsııalar mınıstri Dáýren Abaev Іshki ister mınıstrliginiń jumysyn reformalaýǵa qatysty pikirir bildirdi, dep habarlaıdy QazAqparat.
«Jańa forma, shynynda da, júıeni sapaly túrde túrlendirýdegi bastapqy qadam. Alaıda osynaý orasan zor jumysta formanyń da ózindik máni bar. Birinshiden, vızýaldy qabyldaýdyń mańyzy óte zor. Bizge gúrji tájirıbesi týraly jıi aıtady. Biraq, endeshe gúrji polıtsııasynyń ózgerýine jańartylǵan forma da engenin aıta ketý kerek. Jańartylǵan formamen jáne jańa kóliktermen gúrji polıtseıleri kóshege patrýlge shyqqan kezde ótip bara jatqan adamdar qatty tańǵalǵan. Olar toqtap, polıtseılermen tipti sóılese bastaǵan», - deıdi Dáýren Abaev Habar arnasyndaǵy «Ashyq dıalog» baǵdarlamasynda.
Mınıstrdiń aıtýynsha, halqy osydan keıin gúrji polıtsııasyn qabyldaı bastaǵan.
«Ekinshiden, jańa formanyń polıtsııa qyzmetkerlerine yńǵaıly ekenin de eskere ketý kerek. ІІM qyzmetkerleriniń ózderiniń tarapynan da qazirgi kıimniń jetispeı jatatyny týraly aıtylyp júrgen edi. Bul jerde sapaly kıim týraly sóz bolyp otyr», - dedi mınıstr.
Dáýren Abaev óz sózinde atap ótkendeı, polıtsııany jańǵyrtý boıynsha baǵyttardyń bárin de Memleket basshysy óziniń Joldaýynda atap ótkenin aıtty.
«Ózińiz biletindeı, reformanyń toǵyz baǵyty bar. Máselen, uıymdastyrý qurylymyn ońtaılandyrý josparda bar. ıAǵnı, artyq basqarýshylyq bólimder qysqartylady. Odan artylǵan qarajattyń esebinen polıtsııa qyzmetkerleriniń jalaqysy ósetin bolady. Meniń bilýimshe, kadrlardy irikteý men daıarlaý máselesi túpkilikti qaıta qaralady. Vedomstvolyq bilim júıesi jańǵyrtylady. Ásirese, jumystyń servıstik modeli engizilip, azamattarymyzdy qabyldaý HQO-lardyń tabysty qaǵıdattary boıynsha júzege asyrylady. Reformany júrgizý baǵytynda áleýmettik ólshemder men saýalnamalar arqyly ózgeristerdiń qanshalyqty azamattardyń kóńilinen shyǵyp jatqany qaralady. Sonymen birge, qylmystyq-atqarý júıesiniń jumysy jetildiriledi. Meniń bilýimshe, Іshki ister mınıstri osy reformalar boıynsha úlken suhbat beredi. Reforma tek polıtsııa qyzmetkerleriniń kıimine ǵana qatysty bolady deıtinderge ІІM reformasynyń jol kartasymen tanysýǵa keńes berer edim. Ol elektrondy úkimettiń ashyq normatıvti quqyqtyq qujat bóliminde tur», - dedi Dáýren Abaev.
Eske sala ketsek, 19 qarashada Aqordada Memleket basshysy Nursultan Nazarbaevtyń tóraǵalyǵymen ishki ister organdary qyzmetin jańǵyrtý máseleleri jónindegi keńes ótip, onda Elbasy Nursultan Nazarbaev: Polıtsııany reformalaý isine shuǵyl kirisýimiz qajettigin atap ótken bolatyn.
