Polıtseıler «FIVE WINDS Asset Management» kompanııasynyń ókilderin izdep jatyr
QOSTANAI. QazAqparat - Qostanaı polıtsııasy ózin «FIVE WINDS Asset Management» kompanııasynyń ókili retinde tanystyrǵan alaıaq áıeldiń quryǵyna túsip, aldanǵan adamdardy izdep jatyr, dep habarlaıdy QazAqparat tilshisi Qostanaı oblysy ІІD baspasóz qyzmetine silteme jasap.
«2017 jylǵy 1 aqpan men 2018 jylǵy 30 mamyr aralyǵynda 40 jastaǵy áıel qarjy pıramıdasyn quryp, azamattardy aldap kelgen. Alaıaq «FIVE WINDS Asset Management» kompanııasynyń tólemderi toqtatylǵanyn aldyn ala bile tura, ınvestıtsııalyq qorjyn ashqan. Qostanaıdyń ishki ister ister basqarmasynda kúdikti áıeldiń áreketterinen zardap shekken 20 shaqty adamnyń aryzy tirkelgen. Shyǵyn somasy 20 mıllıon teńgeden astam», - dedi Іshki ister departamentiniń ókili.
Atalmysh faktige qatysty QR QK-niń 190-babynyń 2-shi bóligi («Alaıaqtyq») boıynsha sotqa deıingi tergeý amaldary júrgizilip jatyr.
Polıtsııa «FIVE WINDS Asset Management» kompanııasynyń alaıaqtyq áreketterinen zardap shekken oblys turǵyndaryn Qostanaı oblysynyń ishki ister basqarmasyna 52-60-54, 8 775 968 04 72 telefondary arqyly habarlasýyn suraıdy.
