Polıtseıler fılmge túsip jatqan akterdi atqan
ASTANA. QazAqparat - AQSh-tyń Indıana shtatynda polıtsııa bólimine syrahanany qarýlanǵan adamnyń tonap jatqany jaıly qońyraý shalynǵan.
Bul jaıly habarlaǵan jan qolynda tapanshasy bar, betin tumshalaǵan er adamnyń syrahanaǵa kirgendigin habarlaǵan, dep jazady FOX59.
Oqıǵa ornyna shuǵyl jetken polıtseıler betperde kıgen, qolynda tapanshasy bar er adamnyń syrahanadan shyǵyp kele jatqanyn kóredi. Olar belgisiz jandy ury dep eseptep álgige qarata oq atqan. Biraq tıgize almaıdy.
Qatty qoryqqan ártis tapanshasyn túsirip alǵan jáne dereý maskasyn sheship jatyp osynda fılm túsirilip jatqanyn aıtyp úlgeredi.
Anyqtala kele, qarýly jan akter Djım Daff bolyp shyqty. Bul kezde syra qaınatatyn kompanııada fılmniń túsirilimi júrip jatqan eken.
