Polıtseıler esirtki saýdagerlerin áshkereleý úshin 8 aı boıy mektep oqýshylary bolyp júrgen
ASTANA. QazAqparat - Amerıkanyń Tehas shtatyndaǵy Hıýston qalasynyń mańynda birneshe polıtseı taıaýda mektep partasyna qaıta otyrýǵa májbúr boldy. Alaıda olar buǵan bilimderiniń jetispeýi saldarynan emes, jasóspirimderdiń arasynda esirtki saýdalaǵan qylmystyq jelini áshkereleý maqsatymen barǵan.
The News York Post gazetiniń habarlaýynsha, is-qımyldar segiz aı boıy birneshe mektepte júrgizilip, óte tabysty bolyp shyqty. Quqyq qorǵaý organdary elirtetin ý satqan joǵary synyptardyń alty oqýshysyn qamaýǵa aldy. Ustalǵandar 17-18 jastaǵy azamattar bolyp shyqty. Olardy tekserý kezinde kokaın, marıhýana jáne sıntetıkalyq esirtkiniń úlken kólemi anyqtaldy.
