Polıtseıler elgezek astanalyqtarǵa alǵys aıtty
ASTANA. QazAqparat - Astanada elgezek azamattardyń arqasynda dekoratıvti arkadaǵy qolshatyrlardyń urlanýyna jol berilmedi, dep habarlaıdy QazAqparat tilshisi.
Astana ІІD baspasóz qyzmeti ókilderiniń aıtýynsha, qaskóıler ózderin kameraǵa túsirip turǵanyn kórgen soń, qolshatyrlardy sol mańǵa tastap ketken. Qazir polıtseıler olardy izdestirip jatyr.
«Qala turǵyndary kúzet agentiniń qyzmetkerine T. Bıgeldınov kóshesi men Abaı dańǵylynyń arasynda ornalasqan alańdaǵy dekoratıvti arkadan eki belgisiz adam qolshatyr urlaǵanyn aıtqan. Kúzetshi sol mańda jatqan eki qolshatyrdy alyp ornyna qoıǵan», - delingen habarlamada.
Polıtseıler qoǵamǵa jany ashıtyn turǵyndarǵa alǵys bildirdi.
Polıtsııa qyzmetkerleri qolshatyr urlamaq bolǵandar týraly birer aqparatqa ıe adamdardan Saryarqa aýdandyq ishki ister basqarmasyna nemese 8 (7172) 71-66-10, 71-66-11, 71-66-01, 71-66-76, 71-66-40 nómirlerine habarlasýyn suraıdy.
Eske sala keteıik, Astanadaǵy saıabaqtardyń birinen qolshatyr urlamaq bolǵandardyń vıdeosy áleýmettik jelide taraǵan bolatyn.
6.08.18 v 00:13 My v nachale dýmalı chto onı remontırýıýt, okazyvaıýtsıa vorýıýt. _ 📽: ot podpıschıka grýppy 🇰🇿
