Polıtseıler dúken ishinen qomaqty aqsha urlaǵan áıeldi izdep jatyr - Qostanaı
QOSTANAI. QazAqparat - Qostanaı oblystyq polıtsııa departamenti iri kólemde aqshany jymqyrǵan áıelge izdeý saldy, dep habarlaıdy QazAqparat.
Oqıǵa búgin saǵat 14:00 shamasynda Qostanaı qalasyndaǵy «Skladskoı» dúkeninde bolǵan. Urlyq jasaǵan kúdikti dúken ishindegi beınekameraǵa túsip qalǵan.
«Áıel dúken ishinde turǵan sómkedegi iri kólemdegi qarajatty urlap ketken. Polıtseıler atalǵan áıelge qatysty aqparatqa ıe turǵyndardan kómek suraıdy», - dedi oblystyq polıtsııa departamentiniń baspasóz hatshysy Irına Bejenar agenttik tilshisine.
Urlyq jasaǵan áıelge qatysty qandaı da bir aqparat biletinder 87773020201, 526901 nemese 102 nómirlerine habarlasýyna bolady.
